Пачалося датэрміновае галасаванне па выбарах у мясцовыя Саветы дэпутатаў
У аўторак 20 красавіка пачалося датэрміновае галасаванне па выбарах у мясцовыя Саветы дэпутатаў. Па 24 красавіка ўключна ўчастковыя выбарчыя камісіі Аршанскага рэгіёна будуць працаваць у двухзменным рэжыме: з 10.00 да 14.00 і з 16.00 да 19.00 гадзін.
Прадастаўленую Выбарчым кодэксам Рэспублікі Беларусь магчымасць датэрміновага галасавання кожны з выбаршчыкаў можа выкарыстаць у поўнай меры. Напрыклад, гэтыя юнакі на здымку – навучэнцы групы 202 ЭК электразабеспячэння каледжа чыгуначнага транспарту – вырашылі прагаласаваць менавіта 20 красавіка. Для ўраджэнца Брэсцкай вобласці Дзяніса Кузьмінчука, горада Магілёва – Кірылы Алейнікава і Паўла Пруднікава выбары – падзея знамянальная. Па-першае, усе трое галасавалі ўпершыню, па-другое, іх выбар дазволіць кандыдатам здзейсніць свой намер у плане грамадскай дзейнасці і, нарэшце, тут завязалася мужчынскае сяброўства, якое, безумоўна, за гады вучобы замацуецца, а наш горад стане для рабят кропкай на карце, куды яны час ад часу абавязкова будуць вяртацца.