І СМЕХ, І ГРЭХ, альбо ХТО ВЫПРАВІЦЬ ПАМЫЛКІ?
Нас заклікаюць кіраваць сваім тэлЭбачаннем…
Час ад часу на вуліцах Оршы з’яўляюцца новыя аб’явы, рэкламныя шчыты, білборды, расцяжкі, якія сапраўды прыцягваюць нашу ўвагу. Глядзіш на такую рэкламу і задаешся пытаннем: калі ж нарэшце будзе праведзена работа над памылкамі?
Памылкі ў рэкламу закрадваюцца надта часта: то працяжнік стаіць не там, дзе трэба, то коска недзе згубіцца. Пра якую павагу да пакупніка можна казаць, калі коска перад звароткам некуды “збегла”?
Асабліва насцярожваюць памылкі ў вывесках на магазінах. Ці задумваюцца гандляры пра тое, што часам самі сабе робяць антырэкламу?
…і адпачываць у «ТаЙланде».
Спынімся на хвіліну каля адной з тумб з аб’явамі. Якія толькі тавары і паслугі не прапануюць прадаўцы! А каб каля офіса ці прылаўка магазіна сабралася чарга, нават абяцаюць зрабіць цэны больш таннымі. Філолагі ж у адзін голас сцвярджаюць, што больш танным можа быць толькі тавар, а вось цэны – больш нізкімі. Прыватныя аб’явы – гэта сапраўдны жахлівы сон настаўніка-
мовазнаўцы. На вялікі жаль, часта людзі, якія прафесійна займаюцца стварэннем рэкламы, таксама не сябруюць з арфаграфіяй, пунктуацыяй, граматыкай і стылістыкай. Потым нас заклікаюць адпачываць у экзатычным «ТаЙланде» (правільна па-руску – Таиланде), кіраваць сваім тэлЭбачаннем…
Працяг чытайце ў «АГ» №104, 7.09.2013.
Марына МАРЫНІНА.
Фота аўтара.
